|
კეთილი იყოს თქვენი მობრძანება სამონადირეო მეურნეობა "დალის მთის" ვებ-გვერდზე.
სამონადირეო მეურნეობა "დალის მთა" მდებარეობს დედოფლისწყაროს რაიონში, მდინარე იორის მარჯვენა სანაპიროზე, ულამაზესი დალის წყალსაცავის მიმდებარე ტერიტორიაზე.
თუ თქვენ დაინტერესებული ხართ ნადირობით, თევზაობით, გაინტერესებთ აღმოსავლეთ საქართველოს ფლორა და ფაუნა ან უბრალოდ გინდათ მოწყდეთ ყოველდღიურ პრობლემებს და რამოდენიმე დაუვიწყარი დღე გაატაროთ ველურ ბუნებაში, მოიხიბლოთ ნამდვილი კახური სტუმართმოყვარეობით, მაშინ ეს სწორედ ის ადგილია რასაც თქვენ ეძებთ.
გვეწვიეთ და თავად დარწმუნდებით ამაში!
ცხოვრების საუკეთესო პირობები, არაჩვეულებრივი სამზარეულო და მომსახურეობა, გამოცდილი გამყოლები, უსაფრთხოების გარანტია და კიდევ მრავალი სხვა რამ სასიამოვნო სიურპრიზი იქნება თქვენთვის.
თითოეული თქვენთაგანისთვის არანაკლებ საინტერესო და მნიშვნელოვანი უნდა იყოს ისიც, რომ ჩვენს სამონადირეო მეურნეობის მართვაში ვხელმძღვანელობთ მხოლოდ და მხოლოდ ბუნებისდაცვითი პრინციპებით. მეურნეობაში ხდება ბიოლოგიური რესურსების გეგმაზომიერი გამოყენება. დიდი ყურადღება ექცევა არსებული გარეული ნადირ-ფრინველის რიცხოვნობის ოპტიმალური დონის შეინარჩუნებასა და მეურნეობის მუშაობაში მეცნიერულად დასაბუთებული მეთოდების დანერგვას. აგრეთვე, ჩვენს მიერ მიღებული შემოსავლის გარკვეული ნაწილი ხმარდება სამონადირეო მეურნეობის ტერიტორიაზე სხვადასხვა კონსერვაციული ქმედებების განხორციელებას.
იმედი გვაქვს, რომ მოწესრიგებული ნადირობა და ბრაკონიერობის წინააღმდეგ ეფექტური დაცვითი ღონისძიებების გატარება ხელს შეუწყობს რეგიონის მდიდარი ბიოლოგიური მრავალფეროვნების შენარჩუნებასა და აღდგენას.
მაშ ასე! გელოდებით სამონადირეო მეურნეობა "დალის მთაში"!
|
